Sommarutstilling i låven • 20. juni – 15. august
Torsdag, fredag, laurdag og søndag kl. 13.00 – 20.00
Torsdag, fredag, laurdag og søndag kl. 13.00 – 20.00
Årets sommarutstilling i låven opna 20. juni, og varer fram til 15. august.
I år har vi gleda av å vise fram kunst av:
Sunnfjordingen Rune Furelid miksar moderne samtidsuttrykk med klassiske maleteknikkar. Etter læretida hjå Odd Nerdrum har han utforska mange stilartar, teknikkar og medium. Furelid har ei leiken tilnærming og ønskjer å utfordre sjåaren til å delta for å danne si eiga tolkning.
Kunstverk av Furelid heng i dag ikkje berre rundt omkring i Noreg, men også i private samlingar i mellom anna Spania, Australia, USA, Singapore, Sverige og Danmark. Han har sia 2016 dreve sitt eige galleri i Ålesund.
21.000 følgarar har funne vegen til instagram kontoen hans, der ein kan sjå eit utdrag av produksjonen.
Kunstnaren er født i 1968 og bur i Høyanger i Sogn og Fjordane. Ho er halvt dansk med mor frå København. Jytte er utdanna bygningsingeniør, og jobba i fleire år med kart og oppmåling før ho tok utdanning i pedagogikk. Etter å ha undervist bygg- og anleggsfag i ti år ved Fagskulen i Sogn og Fjordane, arbeidar ho no som undervisingsleiar ved skulen.
I 2004 gjorde Jytte alvor av den livslange interessa for kunst, og begynte på reisa i å utdanne seg sjølv til kunstnar. Ho utrykker seg gjerne fargerikt i teknikkane akvarell, akryl, tørrpastell, linoleumstrykk og teikning.
Jytte har deltatt på fleire separat- og kollektivutstillingar i Norge og utlandet. Ho har blitt valgt ut i juryerte utstillingar, to gonger i København, ein gong i Berlin og ein gong i Fabriano i Italia.
Anne Angelshaug er oppvaksen på Vassenden, og hadde si første utstilling i heimbygda – på Jølstramuseet i 2017.
Stilsjangeren hennar er pop-surrealistisk. Personane i bilda skal ikkje førestille henne, men meiningane er ofte ei forlenging av ho.
Anne vil at folk skal oppleve bilda på eigne premissar. Ho er opptatt av verda vi lever i og mange av bilda illustrerer framtidsscenario, som til dømes korleis ser det ut i framtida, og kva vil framtidige generasjonar meine om oss?
Ein fellesnemnar med alle verka er dei lyse fargane. Kunstnaren kallar dei er eit slags søtingsmiddel, som skal få folk til å stoppe opp, for så å bli lokka inn i bildet – og gje dei ei oppleving.